Святителю Тихону, патриарху Московскому и всея России
Тропарь, глас 1
Апо́стольских преда́ний ревни́теля и Христо́вой Це́ркви па́стыря до́браго, ду́шу свою́ за о́вцы положи́вшаго, жре́бием Бо́жиим избра́ннаго, Всеросси́йскаго патри́арха Ти́хона восхва́лим и к нему́ с ве́рою и упова́нием возопи́им: предста́тельством святи́тельским ко Го́споду Це́рковь Ру́сскую в тишине́ соблюди́, расточе́нныя ча́да ея́ во еди́но ста́до собери́, отступи́вшия от пра́выя ве́ры к покая́нию обрати́, страну́ на́шу от междоусо́бныя бра́ни сохрани́, и мир Бо́жий лю́дям испроси́.